Կենսաթոշակային բարեփոխումներն անհրաժեշտ են, և դրանք անպայման ունենալու են պարտադիր բաղադրիչ. վարչապետ

Կան գաղափարներ, որոնք ամբոխահաճո են և չունեն երկարաժամկետ հեռանկար: Օրինակ` կենսաթոշակային բարեփոխումների անհապաղ կասեցումը: Այս մասին կառավարության ծրագիրն ԱԺ-ում ներկայացնելու ժամանակ հայտարարել է վարչապետ Հովիկ Աբրահամյանը:

«Ես իմ դիրքորոշումն արդեն արտահայտել եմ` կենսաթոշակային բարեփոխումները մեր երկրում անհրաժեշտ են, և դրանք անպայման ունենալու են պարտադիր բաղադրիչ, սակայն մենք պարտավոր ենք բարեփոխումների այնպիսի ուղի գտնել, որը շահավետ կլինի բոլորի համար և կխթանի մարդկանց մասնակցությունն այդ գործընթացին։ Այն պետք է լինի «պարտադիր, բայց ոչ պարտադրված», և մենք ամեն օր աշխատում ենք այդ լուծումը ձևավորելու ուղղությամբ և շուտով ներկայացնելու ենք ձեր դատին»,- ասել է նա: