ՄՄ-ին Հայաստանի անդամակցության պայմանագիրը պատրաստ կլինի մինչև հունիսի 1-ը

Հայաստանի՝ Մաքսային միությանը եւ Միասնական տնտեսական տարածքին անդամակցության պայմանագիրը պատրաստ կլինի մինչև հունիսի 1-ը և կներկայացվի պետությունների ղեկավարների քննարկմանը Աստանայում մայիսի 29-ին կայանալիք Եվրասիական բարձրագույն տնտեսական խորհրդի նիստում: Այդ մասին հայտնում է  Բելառուսի նախագահի մամուլի ծառայությունը:

Հաղորդագրության համաձայն՝  Մինսկում կայացած նիստում Ռուսաստանի, Բելառուսի և Ղազախստանի նախագահները հավանության են արժանացրել ՄՄ-ին և Միասնական տնտեսական տարածքին Հայաստանի անդամակցության «ճանապարհային քարտեզի» իրագործման ուղղությամբ մինչ օրս կատարված աշխատանքները:

«Մասնավորապես՝ ճանապարհային քարտեզի 126 կետերից 111-ն իրագործվել է, իսկ 15-ը ներառվելու է ՄՄ-ին և Միասնական տարածքին Հայաստանի անդամակցության պայմանագրի մեջ»,- ասվում է հաղորդագրությունում: