Կրակեն էլ մեր վրա… ՀԱԿ-ը չի մասնակցի ԱԺ նախագահի ընտրությանը

ՀԱԿ-ը չի մասնակցելու ԱԺ նախագահի ընտրությանը և դրանով ցույց է տալու իր վերաբերմունքը Գալուստ Սահակյանի թեկնածության նկատմամբ: Այս մասին լրագրողների հետ զրույցում ասաց ԱԺ ՀԱԿ խմբակցության ղեկավար Լեւոն Զուրաբյանը:

Այն հարցին, թե հնարավոր համարո՞ւմ է, որ Գալուստ Սահակյանը ԱԺ նախագահի պաշտոնում ավելի դաժան լինի, Լևոն Զուրաբյանը պատասխանեց. «Էս վեց տարվա մեջ էնքան դաժան են եղել, մեր գլխով էնքան բան ա անցել` էլ կրակել են մեր վրա, բանտերում էլ տարիներով պահել, մեր համակիրներին մասսայաբար հանել են աշխատանքից, գաղտնալսել են, ինչքան ստորություն հնարավոր էր, այս վեց տարվա մեջ արել են մեր հանդեպ: Հիմա եթե նրանք ուզում են ավելի մեծ ստորության գնալ, ես դրան չեմ հավատում, որովհետև ավելի մեծ ստորության հնարավոր չէ գնալ»,- ասաց Լևոն Զուրաբյանը: