Թող կրակեն և իրենց զինամթերքը պակասեցնեն. Դավիթ Բաբայան

Հանգստյան օրերին ղարաբաղա-ադրբեջանական հակամարտ զորքերի շփման գծում հակառակորդը դարձյալ խախտել է հրադադարի ռեժիմը:  ՊԲ առաջապահ զորամասերը հիմնականում ձեռնպահ են մնացել պատասխան գործողություններից և շարունակել վստահորեն իրականացնել մարտական հերթապահությունը:

ԼՂՀ նախագահի մամուլի խոսնակ Դավիթ Բաբայանը Yerkir.am-ի հետ զրույցում նշեց, որ մեր կողմի չեզոքությունը կոնկրետ իրավիճակով է պայմանավորված: «Ամեն անգամ` ըստ իրավիճակի: Եթե հակառակորդը պարզապես կրակում է վախից, պարտադիր չէ նրան միշտ պատասխանել, մանավանդ` եթե այն որևէ կորուստ չի պատճառում: Թող կրակեն և իրենց զինամթերքը պակասեցնեն, հատկապես` երբ որևէ կորուստ չկա»,- ասաց նա: