Լսելով Էրդողանի ելույթը` ՕԵԿ փոխնախագահը լավատեսությամբ է լցվել

ՕԵԿ փոխնախագահ Հովհաննես Մարգարյանի կարծիքով` Թուրքիայի վարչապետ Էրդողանի ուղերձը  Հայոց ցեղասպանության վերաբերյալ մի փոքրիկ քայլ առաջ էր, եթե, իհարկե, դա անկեղծ ելույթ է: Այսօր լրագրողների հետ զրույցում նա նշեց, որ առաջին անգամ է, որ նրանց շուրթերից հնչում է որևէ բան` Հայոց ցեղասպանության հետ կապված, և պետք է անել քայլեր, որ Թուրքիան ճանաչի Ցեղասպանությունը:

«Ես, լսելով այդ ելույթը, լավատեսությամբ եմ նայում, որ գալու է այդ օրը, որ Թուրքիան կճանաչի Հայոց ցեղասպանությունը»,- ասաց Հովհաննես Մարգարյանը:

Նա նաև կարծիք հայտնեց, որ Հայաստանի արտաքին քաղաքաքականությունը քայլ առ քայլ առաջ է գնում Հայոց ցեղասպանության ճանաչման աշխատանքների  ուղղությամբ, բայց էլի անելիքներ շատ կան, որպեսզի Հայաստանը հասնի իր նպատակին: