Ոչ ոք չգիտի, թե ինչ կլինի Մյունխենում. Կառլո Անչելոտի

Մադրիդի «Ռեալ»-ի գլխավոր մարզիչ Կառլո Անչելոտին ասել է, որ գոհ է Չեմպիոնների լիգայի կիսաեզրափակիչ փուլում իր թիմի առաջին հանդիպումից, որում մադրիդցիները հաղթել են նվազագույն հաշվով:

«Գոհ եմ իմ թիմի խաղից, քանի որ մրցակիցը բարդ ֆուտբոլ էր խաղում: Հանդիպման սկզբում մեր թիմը զգույշ էր գործում: Մենք «Բավարիա»-ին թույլ տվեցինք տիրապետել գնդակին, իսկ հետո ավելի շատ ժամանակ էինք հատկացնում պաշտպանությանը: 2-րդ խաղակեսում մրցակիցը արդյունավետ չէր գործում: Մեր տղաները օգնում էին մեկը մյուսին: Մենք թիմային ֆուտբոլ խաղացինք: Հեշտ չէր խաղալ առանց Բեյլի և ոչ լիարժեք ապաքինված Ռոնալդուի: Բայց մեր  թիմը լավ խաղաց: Կրիշտիանուն ստիպված էր շատ չարչարվել, որպեսզի դաշտ դուրս գա: 2-րդ խաղում շատ դժվար կլինի: Մենք մի փոքր առավելություն ունենք, սակայն պետք է խաղանք նույն վստահությամբ և ցանկությամբ: Ոչ ոք չգիտի, թե Մյունխենում կայանալիք պատասխան խաղում ինչ կլինի»,- ասել է իտալացի մասնագետը: