ՌԴ ներգաղթողները ռուսաց լեզվի քննություն կհանձնեն. Պուտինը օրենք է ստորագրել

ՌԴ նախագահ Վլադիմիր Պուտինը օրենք է ստորագրել, համաձայն որի` աշխատանքային ներգաղթյալները, բացառությամբ բարձր որակավորում ունեցող մասնագետների, պարտավոր կլինեն հանձնել ռուսաց լեզվի քննություն: Այս մասին հայտնում է Կրեմլի մամուլի ծառայությունը:

Այսուհետ կեցության իրավունքի, ժամանակավոր բնակության իրավունքի, աշխատելու կամ արտոնագիր ստանալու համար օտարերկրացիները պետք է հաստատեն ռուսաց լեզվի, ՌԴ պատմության ու օրենսդրության իմացությունը՝ ներկայացնելով համապատասխան փաստաթուղթը:

Տեղեկության համաձայն՝  եթե ՌԴ մուտք գործել ցանկացողը չունի ԽՍՀՄ-ի կողմից մինչ 1991-ի սեպտեմբերի 1-ը տրված միջնակարգ կրթության ատեստատ, ապա նա ստիպված է լինելու ռուսաց լեզվից քննություն հանձնել ու ստանալ համապատասխան սերտիֆիկատ: