Բռնցքամարտ. Նարեկ Մանասյանը դուրս եկավ ¼ եզրափակիչ

Բուլղարիայի մայրաքաղաք Սոֆիայում ընթացող բռնցքամարտի երիտասարդների աշխարհի առաջնությունում ապրիլի 20-ին կայացել են 1/8 եզրափակիչ մենամարտերը:

Ասպարեզում մնացած մեր երեք մարզիկներից ռինգ դուրս եկան 60 կգ քաշային կարգում հանդես եկող Ժորա Համազարյանը և 81 կգ քաշային Նարեկ Մանասյանը: Ժորա Համազարյանի մրցակիցը ուզբեկ Իկոբոլջան Խոլդարովն էր: Հայ և ուզբեկ մարզիկների մենամարտն անցավ հավասար պայքարում, սակայն մրցավարներն, այնուհանդերձ, նախապատվությունը տվեցին Խուլդարովին:

Իսկ ահա 81 կգ քաշային կարգում հանդես եկող Նարեկ Մանասյանը տոնեց իր երկրորդ հաղթանակը և դուրս եկավ ¼ եզրափակիչ: Մանասյանը գեղեցիկ ոճով առավելության հասավ Ալբանիան ներկայացնող Յուրգեն Ուլդադաջի նկատմամբ: Ապրիլի 21-ին Նարեկը կանցկացնի իր երրորդ մենամարտը և կփորձի նվաճել կիսաեզրափակիչի ուղեգիր:

Կիսաեզրափակիչի ուղեգրի համար կպայքարի նաև գեղեցիկ սեռի մեր միակ ներկայացուցիչը առաջնությունում՝ Անուշ Գրիգորյանը, ով 1/8 եզրափակիչում հաղթել էր աշխարհի չեմպիոն Յուան Չանգին: