Շանթ Հարությունյանի որդուն նոյեմբերի 5-ի գործով մեղադրանք է առաջադրվել

«Ցեղակրոն» կուսակցության նախագահ Շանթ Հարությունյանի որդին` Շահեն Հարությունյանը, մեղադրվում է նոյեմբերի 5-ին Կենտրոնում խուլիգանություն կատարելու համար: Նրան մեղադրանք է առաջադրվել ՀՀ ՔՕ 258-րդ հոդվածի 4-րդ մասի հատկանիշներով: Այս մասին yerkir.am-ի ն հայտնեց  Շահենի մայրը` Ռուզաննա Բադալյանը, ով քիչ առաջ որդու հետ դուրս եկավ ՀՀ ոստիկանության քննչական գլխավոր վարչությունից:

Տիկին Ռուզաննան նշեց, որ ոստիկանության նման որոշումն իրենց համար անսպասելի էր:

Նշենք, որ Շահենին տրամադրվել է հանրային պաշտպան Կարինե Խաչատրյանը, իսկ նրա օրինական ներկայացուցիչ ընտրվել է մայրը, այսինքն` Շահենի նկատմամբ հսկողությունը հանձնվել է նրան: