Ռուսաստանին միանալու հարցով հանրաքվե` Պաղեստինո՞ւմ

ՀԱՄԱՍ կազմակերպությանը պատկանող Palestine-Info-ի ռուսալեզու տարբերակի կայքում այսօր տեղեկություն է հայտնվել, թե Գազայի հատվածում նախաձեռնող խումբ է ստեղծվել, որը մտադիր է դիմել Պաղեստինի կառավարությանը Ղրիմի հանրաքվեի նման հանրաքվե անցկացնելու և Ռուսաստանին միանալու հարցով. հայտնում է իսրայելական NEWSru.co.il-ը:

Նախաձեռնող խմբի անդամներն են Գազայում բնակվող ՌԴ քաղաքացիները, իսկ այդպիսիք Գազայում 50 հազար են:

«Մոսկվան հայտարարել է, որ պատրաստ է պաշտպանել իր քաղաքացիներին աշխարհի ցանկացած ծայրում: Իսկ մեր և մեր երեխաների կյանքը տարիներ շարունակ վտանգված է եղել: Մենք Իսրայելի հանդեպ վախով ենք ապրում»,- ասել է նախաձեռնող խմբի անդամներից մեկը:

NEWSru.co.il-ը նշում է, որ այլ աղբյուրներից տեղեկությունը հաստատել դեռեւս չի հաջողվել: