Լավագույն տարբերակը Ղարաբաղը Ռուսաստանին միացնելն է. Ժիրինովսկի

Հայաստանը և Ադրբեջանը երբեք համաձայնության չեն գա Ղարաբաղի հարցում: Այդ իսկ պատճառով՝ լավագույն տարբերակը Ղարաբաղը նույնպես ՌԴ կազմում ընդգրկելն է: Այդ մասին Русская Служба Новостей-ի հետ զրույցում ասել է Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին՝ պատասխանելով   ռադիոուկնդրի հարցին՝ հնարավո՞ր է, որ Օսիան, Աբխազիան և ԼՂՀ-ն Ղրիմի հետքերով ցանկանան միանալ ՌԴ-ին:

«Հյուսիսային և Հարավային Օսիան այլ պատմություն են. նրանք մեկ ազգ են և կարող են միավորնել ու ավտոմատ կերպով մտնել ՌԴ կազմ: Իսկ ԼՂՀ-ի հարցում չի հաջողվի  պայմանավորվել: Լավագույն տարբերակը այն նույնպես ՌԴ կազմում ընդգրկելն է: Այդ ժամանակ հայերը չեն նեղանա, իսկ ադրբեջանցիները ստիպված կլինեն հաշտվել այդ մտքի հետ: Նույնը վերաբերում է ԽՍՀՄ այլ պետություններին, որոնք ցանկանում են հանրաքվեի միջոցով ՌԴ կազմ մտնել»,- ասել է  նա: