Հյուր էին սպասում, հյուրը չեկավ. ԲՀԿ-ՀԱԿ հանդիպման մասին

Այսօր` ժամը 15-ին, տեղի էր ունենալու ԲՀԿ-ՀԱԿ հանդիպումը:

Yerkir.am-ի թղթակիցը տեղեկացնում է, որ լրագրողները հավաքվել են ԲՀԿ գրասենյակի մոտ, սակայն անվտանգության աշխատակիցներն արգելում են նրանց ներս մտնել, թեեւ որոշ «արտոնյալ» լրատվամիջոցների ներկայացուցիչներ արդեն ներսում են:

Քիչ առաջ անվտանգության աշխատակիցներից մեկը դուրս է եկել եւ արգելել լրագրողներին նկարահանել շենքը եւ մուտքը: Նա նաեւ հերքել է, որ որեւէ հանդիպում է լինելու` նշելով, որ դահլիճը դատարկ է, ոչ ոք չկա այնտեղ:

Իսկ րոպեներ անց փակել են մուտքի երկաթե դռները` պատճառաբանելով, թե` «հյուր էինք սպասում, հյուրը չեկավ, հիմա էլ փակում ենք դռները»: