Պետք է ըմբռնումով մոտենալ ԱԺ լեզվակռիվներին. Արթուր Բաղդասարյան

Խորհրդարանական բառապաշարը, իհարկե, ինչքան ավելի քաղաքակիրթ լինի, այնքան ավելի լավ, բայց տեսնում ենք, թե տարբեր երկրների պառլամենտներում ինչեր են տեղի ունենում` կռիվներ, ձեռնամարտեր եւ այլն. լրագրողներին այսօր ասաց ՕԵԿ նախագահ, ԱԱԽ քարտուղար Արթուր Բաղդասարյանը` անդրադառնալով ԱԺ-ում վերջերս հնչած արտահայտություններին:

Իհարկե, ցանկալի է, նշեց բանախոսը, որ երկխոսությունը լինի առավելագույնս քաղաքակիրթ եւ փոխադարձ հարգանքի մթնոլորտում:

«Բայց քանի որ քաղաքական գործընթացներ են, մենք նաեւ պետք է ըմբռնումով մոտենանք մերթ ընդ մերթ նման լեզվակռիվներին, եթե կարելի է այդպես ասել` բանավեճերին»,- նշեց Արթուր Բաղդասարյանը: