Կառավարությանն անվստահություն հայտնելու հարցը հետաձգվում է

Այսօր ԱԺ ոչ իշխանական 4 խմբակցությունների ներկայացուցիչները համատեղ քննարկում են անցկացրել, որի ընթացքում որոշվել է հետաձգել կառավարությանն անվստահություն հայտնելու մասին  հարցի քննարկումը: Այս մասին Yerkir.am-ի հետ զրույցում ասաց ԱԺ ՀՅԴ խմբակցության ղեկավար Արմեն Ռուստամյանը:

Ինչ վերաբերում է գազային պայմանագրերի ուսումնասիրման նպատակով  ժամանակավոր հանձնաժողովին, ապա, այդ առաջարկության հետ կապված, ԱԺ նախագահին ոչ իշխանական կուսակցությունները կներկայացնեն փոփոխությունների իրենց առաջարկը` փորձելով գալ համաձայնության:

Նշենք, որ ԱԺ նախագահի հետ ոչ իշխանական խմբակցությունների ներկայացուցիչների հանդիպումը` գազային պայմանագրերի ուսումնասիրման ժամանակավոր հանձնաժողով ստեղծելու նպատակով, նախատեսված է այսօր: