Արծվիկ Մինասյանն ինձ վրա հոդված դրեց. Ռոբերտ Նազարյանը նեղսրտեց

ԱԺ նիստում Հանրային ծառայությունները կարգավորող հանձնաժողովի նախագահ Ռոբերտ Նազարյանն ամփոփելով իրեն ուղված պատգամավորների հարցերը, նշեց, որ հանձնաժողովի կարգավորող մի շարք ոլորտներից հարցերը հնչեցին միայն գազի ու «Որոտան» կասկադի մասին: Նա նշեց, որ գազի հետ կապված հարցերի մեծ մասը որևէ կապ և առնչություն չունի իր ղեկավարած հանձնաժողովի հետ:

«Այդ հարցերը մեր հանձնաժողովի հետ ոչ մի կապ չունեն: Նույնիսկ Դաշնակցության պատգամավոր Արծվիկ Մինասյանը ինձ վրա հոդված դրեց` ութից տասը տարի ազատազրկմամբ»,- դժգոհեց Ռոբերտ Նազարյանը:

Հովիկ Աբրահամյանն արձագանքեց, որ Արծվիկ Մինասյանն արդեն ասել է, որ իրեն նկատի չի ունեցել, ինչին Ռոբերտ Նազարյանն արձագանքեց. «Դե բազմաթիվ մարդիկ մեզ հիմա նայում են, կարող են նաև այդպես հասկանալ»: Իր ամփոփիչ ելույթն ավարտելով Ռոբերտ Նազարյանը նշեց, որ անելիքներ շատ կան, բայց ինքը կցանկանար, որ հաջորդ անգամ, երբ ինքը ներկայացնի տարեկան զեկույցը, բոլորը ավելի հասկացված լինեն: «Լավ կլիներ մինչ ԱԺ-ին ներկայացնելը, հանդիպենք, հավաքվենք, խոսենք ու էստեղ քիչ բան մնա խոսելու»,- ասաց Ռոբերտ Նազարյանը: