Ձերբակալվել է օֆշորային սկանդալի հերոսներից Աշոտ Սուքիասյանը

«Առաջին լրատվական»-ի հավաստի տեղեկություններով`  Հայաստանի ոստիկանությանը վերջապես հաջողվել է պարզել օֆշորային սկանդալում ներգրավված և փախուստի մեջ գտնվող Աշոտ Սուքիասյանի գտնվելու վայրը: Նույն տեղեկություների համաձայն` նա Թբիլիսիում է եղել, և Հայաստանի ոստիկանները, համագործակցելով վրաց ոստիկանների հետ,  կարողացել են ձերբակալել նրան: Ներկայումս լուծվում է նրան Հայաստան տեղափոխելու հարցը:

Հիշեցնենք, որ Աշոտ Սուքիասյանը Արարատյան Հայրապետական թեմի առաջնորդ Նավասարդ Կճոյանի սանիկն է: Նա իբրև թե ադամանադագործ էր, և հենց նրա միջնորդությամբ էր գործարար Փայլակ Հայրապետյանը «Ամերիա» բանկում գրավադրել իր ողջ ունեցվածքը, որը հետագայում աստիճանաբար կորցրեց: Ըստ բիզնես պլանի`  Հայրապետյանի ներդրած գումարներով Սուքիասյանը Աֆրիկայի Սիերա Լեոնե հանրապետությունից պետք է ադամանդի հումք ներկրեր Հայաստան, որտեղ 23 գործարարներ պետք է իրենց գործարաններում մշակեին այն: Ավելի ուշ միայն պարզ դարձավ, որ Հայրապետյանի գումարները բոլորովին այլ ուղղությամբ էին գնացել` օֆշորում գրանցված մի ընկերության հաշվեհամարի, որը սեփականատերերն էին, ինչպես պարզվեց, վարչապետ Տիգրան Սարգսյանը, Նավասարդ Կճոյանը և Աշոտ Սուքիասյանը:

Շարունակությունը` այստեղ: