Օֆշորային սկանդալի գործը կքննի հայտնի դատավորը

Էրեբունի և Նուբարաշեն վարչական շրջանների ընդհանուր իրավասության դատարանում վարույթ է ընդունվել նախկին վարչապետ Տիգրան Սարգսյանի և Նավասարդ արքեպիսկոպոս Կճոյանի անվան հետ կապված հայտնի օֆշորային մեքենայությունների գործը:

Ինչպես տեղեկանում ենք դատական տեղեկատվական համակարգից, Աշոտ Սուքիասյանը մեղադրվում է խարդախությամբ, ուրիշի առանձնապես խոշոր չափերով գույքի նկատմամբ իրավունք է ձեռք բերելու, հանցավոր ճանապարհով ստացված առանձնապես խոշոր չափերով եկամուտներ օրինականացնելու, ինչպես նաև առանձնապես խոշոր չափերով հարկերից, տուրքերից և պարտադիր այլ վճարումներ կատարելուց չարամտորեն խուսափելու համար:

Սուքիասյանի մեղադրանք է առաջադրվել ՀՀ ՔՕ 190 -րդ հոդվածի, 3 –րդ մասի 1-ին կետի , 178-րդ հոդվածի 3-րդ մասի 1-ին կետի և 205-րդ հոդվածի 2-րդ կետի հատկանիշներով: Հիշյալ գործը մակագրվել է ոչ պակաս հայտնի դատավոր Վլադիմիր Գրիգորյանին: