Եթե ինչ-որ մեկը խոչընդոտի կամ խանգարի նրանց, դա անառողջ բանականության արդյունք կլինի. Արթուր Գեւորգյան

 Արդեն տեղեկացրել ենք, որ բռնցքամարտի Հայաստանի երիտասարդական և մեծահասակների հավաքականները համատեղ մարզում են անցկացնում Ծաղկաձորում:

Yerkir.am-ի թղթակիցը բռնցքամարտի ֆեդերացիայի նախագահ Արթուր Գեւորգյանից հետաքրքրվել է, թե համապատասխանո՞ւմ են իրականությանն այն լուրերը, որ սպորտի և երիտասարդության նախարար Յուրի Վարդանյանը չի ստորագրել բռնցքամարտի Հայաստանի հավաքականի գլխավոր մարզչի նշանակման հրամանը և փորձել է միջամտել ֆեդերացիայի աշխատանքներին:

«Որևէ խնդիր սպորտի նախարարության կամ նախարարի հետ ես չունեմ: Դրանք ընդամենը խոսակցություններ են, որոնք ես էլ եմ լսել: Մենք չենք հանդիպել և չենք խոսել: Ֆեդերացիան առողջ օրգանիզմ է, որն աշխատում է և շարունակելու է իր աշխատանքները: Եթե ինչ-որ մեկը, այս մարզիչների տաժանակիր աշխատանքները չգնահատելով, փորձի խոչընդոտել կամ խանգարել նրանց, իմ կարծիքով` դա անառողջ բանականության արդյունք կլինի»,- ասել է նա: