Արմենի արարքը մեզ համար նորություն չէր. Մանվել Եղիազարյան

Արմենի արարքը մեզ համար նորություն չէր, այդպիսի տղաներ եղել են, կան ու կլինեն. լրագրողների հետ հանդիպման ժամանակ կարծիք հայտնեց «Արաբո» ջոկատի հրամանատար Մանվել Եղիազարյանը` խոսելով կրտսեր սերժանտ Արմեն Հովհաննիսյանի մասին, ով զոհվել էր հունվարի 19-ի լույս 20-ի գիշերը` արցախա-ադրբեջանական սահմանին հակառակորդի դիվերսիոն խմբերի հարձակման ժամանակ:

Եղիազարյանի հավաստմամբ` նման խիզախ տղաներ շատ ունենք, ուղղակի երբեք հնարավորություն չի եղել քաջությունը ցույց տալու, դրսեւորվելու:

«Արաբո» ջոկատի անդամ Նվեր Ստեփանյանն էլ, իր հերթին, նշեց, որ Արմենի պահվածքը սովորական խիզախ քայլ էր` հայ ժողովրդին վայել. «Մենք մեր ջոկատում 15-20 տարեկան այնպիսի խիզախ տղերք ենք ունեցել, որոնց մասին չեն էլ իմացել: Նրանցից շատերը զոհվել են կռվի դաշտում»: