Ջհանգիրյանը քաղաքական չորս ուժերի միավորումը հնարավոր է համարում

ԱԺ ՀԱԿ խմբակցության պատգամավոր Գագիկ Ջհանգիրյանը հնարավոր է համարում, որ խորհրդարանական ոչ իշխանական չորս ուժերը միանան և, ունենալով քաղաքացիական հասարակության աջակցությունը, պարտադրեն իշխանությանը կատարել դրական փոփոխություններ, բայցեւ, մյուս կողմից, շտապում է հավելել. «Կարող է նման բան լինել, բայց սպասեք այս հանրահավաքը հորով-մորով անենք, նոր հետո կերևա»: Այս ամենը Yerkir.am-ի հետ զրույցում Ջհանգիրյանն ասաց շաբաթ օրը տեղի ունեցած մեծ հանրահավաքի ժամանակ:

Երկիրն այս վիճակից դուրս բերելու հարցում, Ջհանգիրյանի կարծիքով, քաղաքական չորս ուժերի միջեւ տարաձայնություն չկա, տարբերությունը քաղաքական ուժերի ուղիների մեջ է, բայց այսօր, ըստ նրա, կարևորը կուտակային համակարգի դեմ հաջողության հասնելն է: