Հարավային Օսիայի նախագահը չի բացառում օսերի միավորումը

Հարավային Օսիայի նախագահ Լեոնիդ Տիբիլովը չի բացառում օս ժողովրդի երկու մասերի միավորման հնարավորությունը: «Եթե դա տեղի ունենա իմ նախագահության օրոք, ես կհամարեմ, որ կատարել եմ իմ առաքելությունը, որը դրվում է նախագահի վրա` տվյալ դեպքում»,- ասել է նա ռուսաստանցի լրագրողների հետ զրույցում` պատասխանելով Ռուսաստանի կազմում Հյուսիսային եւ Հարավային Օսիաների միավորման հնարավորության վերաբերյալ հարցին:

Տիբիլովի խոսքերով` որպեսզի արհեստականորեն բաժանված օս ժողովուրդը միավորվի, անհրաժեշտ է բարդ իրավական եւ քաղաքական աշխատանք: Սակայն, ըստ նրա, Հարավային Օսիան արդեն անկախ պետություն է եւ շարունակելու է ամրապնդել իր պետականությունը: