Զորակոչային տարիքի երիտասարդների շուրջ 70%-ն առողջական խնդիրներ ունի

Զինվոր լինելը պատիվ է, ոչ թե պարտականություն. որպեսզի յուրաքանչյուր հայ դպրոցական սա գիտակցի, ամենօրյա աշխատանք է հարկավոր: Այսպես են կարծում պաշտպանության նախարարությունում հավաքված տարբեր գերատեսչությունների ղեկավարները, աշխատակիցները. գրում է «Երկիր մեդիան»:

Պաշտպանության նախարարության ներկայացուցչի խոսքով՝ 2013-ին այդ նպատակով բազմաթիվ միջոցառումներ են իրականացվել դպրոցականների ռազմահայրենասիրական դաստիարակության ուղղությամբ՝ կազմակերպվել են բազմաթիվ այցեր զորամասեր, ուխտագնացություններ Արցախ, բանակումներ, վերապատրաստվել են զինղեկներ:

Բանակ-դպրոց կապի ամրապնդումը բանակի դրական վարկանիշի ձեւավորման նպատակ ունի նաեւ: Լուրջ աշխատանք է իրականացվել, բայց, նախարար Սեյրան Օհանյանի խոսքով, անելիքներն էլ քիչ չեն: Այսօր 1352 դպրոցներից 7 %-ում զինղեկ չկա, զենքը պահելու համար համապատասխան սենյակներ՝ եւս:

Զորակոչային տարիք ունեցող երիտասարդների շուրջ 70%-ն առողջական խնդիրներ ունի, նրանց ֆիզիկական վիճակը մտահոգիչ է: Ուսումնասիրության արդյունքներից պարզ է դարձել, որ այդ 70-ից 50 տոկոսի շրջանում ֆիզիկական պատրաստվածության լուրջ խնդիր կա, ինչի պատճառներից մեկն էլ դպրոցում համապատասխան առարկայի վատ դրվածքն է։

Շարունակությունը` այստեղ: