Հայ դպրոցական մարզիկները առաջին անգամ մասնակցում են Գիմնազիադայի

 Նոյեմբերի 29-ից դեկտեմբերի 4-ը Բրազիլիայում կայանալիք` դպրոցական մարզիկների համաշխարհային 13-րդ Գիմնազիադային մասնակցելու նպատակով Բրազիլիա է մեկնել Հայաստանի դպրոցականների մարզական պատվիրակությունը:

Խաղերի ծրագրում ընդգրկված է 8 մարզաձև: Հայաստանը ներկայացուցիչները հանդես կգան հինգ մարզաձևում՝ շախմատ, լող, աթլետիկա, մարմնամարզություն և ձյուդո:

Հայաստանի դպրոցականների թիմերում ընդգրկվել են հանրապետության դպրոցականների առաջնություններում հաղթած պատանի մարզիկները:

2011-ին Հայաստանը կովկասյան երկրներից միակն է, որ դարձել է դպրոցական մարզիկների համաշխարհային ֆեդերացիայի լիիրավ անդամ և իրավունք ստացել մասնակցելու Միջազգային ֆեդերացիայի կազմակերպած բոլոր միջոցառումներին:

Բրազիլիայում կխաղարկվի մեդալների 78 հավաքածու, խաղերին կմասնակցեն 1996-1999թթ. ծնված մարզիկներ՝ աշխարհի 40 երկրներից: Հայաստանը խաղերին մասնակցում է առաջին անգամ: