Յանուկովիչը հույս ունի, որ կկարողանա ընդհանուր լեզու գտնել Ռուսաստանի հետ

Ուկրաինայի իշխանությունները մշտապես բանակցություններ են վարում ռուսական կողմի հետ՝ երկու երկրների միջև առևտրաշրջանառության մակարդակի անկման խնդիրը լուծելու համար: Այդ մասին այսօր հայտարարել է Ուկրաինայի նախագահ Վիկտոր Յանուկովիչը:

Նա հիշեցրել է, որ Ռուսաստանի հետ առևտրաշրջանառության մակարդակը նվազել է մոտ 25%-ով: «Շատ բարդ հարց է, բայց մենք հույս ունենք,  որ ընդհանուր լեզու կգտնենք ռուսական կողմի հետ»,- ասել է նա:

Հիշեցնենք, որ երեկ Ուկրաինան կտրուկ փոխեց իր քաղաքական վեկտորը՝ ԵՄ-ից շրջվելով դեպի Ռուսաստան: Անդրադառնալով ԵՄ-ի հետ ասոցացումից հրաժարվելու  պատճառներին՝ Ուկրաինայի վարչապետ Նիկոլայ Ազարովն ասել է. «Կարելի է ասել, որ Ռուսաստանի ընտրությունը տնտեսական սեկտորի հրամանն է: Գործարարները և արդյունահանողները հենց այդ խնդրի լուծման հետ են կապում բացասական միտումների հաղթահարման հնարավորությունը»: