Թուրքիան հերքում է հայ-թուրքական սահմանի բացման մասին տեղեկությունը

Թուրքիան բազմիցս ասել է, որ տարածաշրջանային համագործակցության զարգացման յուրաքանչյուր քայլ բարձր է գնահատում` Ադրբեջանի օկուպացումը դադարեցնելուն զուգահեռ, նշել է Թուրքիայի ԱԳՆ քարտուղար Լևենթ Գյումրուքջուն:

Apa.az-ը հայտնում է, որ Թուրքիայի արտաքին գործերի նախարար Ահմեդ Դավութօղլուն հայ-թուրքական սահմանի բացման մասին հայտարարություն չի արել:

Անդրադառնալով ԵԱՀԿ Մինսկի խմբի համանախագահների` տարածաշրջան կատարած այցին` Գյումրուքջուն ասել է, որ Թուրքիան շարունակում է հետևել իրադարձություններին, սակայն դեռևս շուտ է խոսել հակամարտության կարգավորման համար ձեռնարկված քայլերի մասին:

Նա նաեւ նշել է, որ Թուրքիան ցանկանում է հարցի արագ կարգավորում և պատրաստ է ձեռնարկել քայլեր, որոնք տարածաշրջանում խաղաղություն կհաստատեն: