Ռուսաստանցի պատգամավորը չի ցանկանում, որ իր աշխատավարձը բարձրանա

ՌԴ Պետդումայի պատգամավոր, Справедливая Россия-ի անդամ Իլյա Պոնոմարյովը չի ողջունում Պուտինի՝ պատգամավորների աշխատավարձը բարձրացնելու որոշումը:

«Շնորհակալություն, Վլադիմիր Վլադիմիրովիչ, պատգամավորների աշխատավարձերը բարձրացնելու համար: Այժմ մենք ավելի մոտեցանք Ձեզ, և էլ ավելի հեռացանք մեր ընտրողներից: Ստացվում է, որ իմ աշխատավարձը 10 անգամ ավելի բարձր է, քան Նովոսիբիրսկի շրջանում միջին աշխատավարձը, որտեղից ես երկու անգամ ընտրվել եմ: Ձեր՝ Единая Россия-ի հանդեպ ժողովրդական «սերը» մյուսների վրա տարածելու ցանկությունը հասկանալի է, սակայն դա մեզ հարկավոր չէ:

Նախագահի փոխարեն ես պատգամավորի աշխատավարձը կսահմանեի այնքան, որքան կազմում է միջին աշխատավարձն այն մարզում, որում նա ընտրվել է: Այդ դեպքում պատգամավորները հետաքրքրված կլինեին այդ մարզի բնակիչների բարեկեցությամբ: Գերմանական Բունդեսթագում պատգամավորներն իրեն աշխատավարձի 30%-ն ուղղում են բարեգործության: Կարծում եմ՝ մենք նույնպես այդպես պետք է վարվենք»:

Նյութը՝ Эхо Москвы-ի բլոգ բաժնից: