Ի՞նչ ասեմ, Վարդանի դեմքից էլ է երեւում, որ դեռ լավ չէ

Վարդան Պետրոսյանը երեկվանից գտնվում է «Սթրես» կենտրոնում: Նա դեռ մի քանի օր այնտեղ պառկած կմնա. yerkir.am-ի հետ զրույցում նշեց Վարդան Պետրոսյանի քույրը` տիկին Աշխենը:

Ըստ նրա` Պետրոսյանի առողջական վիճակն այնքան էլ լավ չէ. «Ի՞նչ ասեմ, երեւի երեկ տեսաք նկարներով. դեմքից էլ է երեւում, որ դեռ լավ չէ: Բժիշկներն ասում են, որ առաջիկա օրերին պետք է իրենց մոտ մնա»:

Հիշեցնենք, որ ՀՀ ոստիկանության Նաիրիի քննչական բաժնում, որտեղ ընթանում է Եղվարդ-Երեւան ճանապարհին հոկտեմբերի 20-ին տեղի ունեցած վթարի վերաբերյալ նախաքննությունը, որոշում է կայացվել ձերբակալել վթարի մասնակից` հայտնի դերասան Վարդան Պետրոսյանին: Այդ կապակցությամբ ոստիկաններն այցելել էին Պետրոսյանի քրոջ բնակարան: Սակայն Պետրոսյանի առողջական վիճակը վատթարացել էր եւ նրան տեղափոխել էին նախ «Էրեբունի» հիվանդանոց, հետո` «Սթրես» կենտրոն: