Ո՞վ է ստում` նախարա՞րը, թե՞ երգչուհին

ԱԺ-ում 2014 թ. բյուջեի քննարկումների ժամանակ ԱԺ ՀԱԿ խմբակցության պատգամավոր Արամ Մանուկյանը ՀՀ մշակույթի նախարար Հասմիկ Պողոսյանից հետաքրքրեց, թե որտեղի՞ց են 54 մլն դրամը հատկացրել Նունե Եսայանի համերգին:

Մշակույթի նախարարը նախ հարցին պատասխանեց գրադարանների մասին ինչ-որ պարզաբանումներով, որից հետո Արամ Մանուկյանը կրկին հնչեցրեց հարցը. «Տիկի'ն Պողոսյան, խնդրում եմ, մի' խուսափեք, կոնկրետ ասեք` այդ 54 միլիոնը որտեղի՞ց է տրամադրվել»:

«Պահուստային ֆոնդից»,- պատասխանեց մշակույթի նախարարը:

Հիշեցնենք, որ հեռուստաընկերություններից մեկին տված հարցազրույցում երգչուհի Նունե Եսայանը մի քանի անգամ հայտարարել է, որ այդ գումարը կառավարությունը չի տվել, այլ «Լույս» հիմնադրամը: