Վրաստանում մեկնարկել են նախագահական ընտրությունները

Վրաստանում առավոտյան 08։00-ին մեկնարկել են նախագահական ընտրությունները։ Քվեարկությունը շարունակվելու է մինչև 20։00-ն. հայտնում է РИА Новости-ն:

Նախագահի պաշտոնի համար պայքարում է 3 թեկնածու: Թեկնածուների գլխավոր եռյակն է՝ կրթության ու գիտության նախկին նախարար, փոխվարչապետ Գեորգի Մարգվելաշվիլին՝ «Վրացական երազանք» իշխող կուսակցությունից, նախորդ գումարման խորհրդարանի նախագահ Դավիթ Բաքրաձեն՝ «Միացյալ ազգային շարժում»-ից, և «Ժողովրդավարական շարժում՝ Միացյալ Վրաստան» կուսակցության առաջնորդ, խորհրդարանի նախկին նախագահ Նինո Բուրջանաձեն: Գործող նախագահ Միխեիլ Սահակաշվիլին երրորդ ժամկետում չի կարող առաջադրվել:

Քվեարկության համար բացվել են  3 655 ընտրական և 34 լրացուցիչ հատուկ տեղամասեր: Արտերկրում ընտրություններին կարող է մասնակցել 48 հազար 458 քաղաքացի: