Սուրիկ Խաչատրյանի գալն ու գնալը մեկ եղավ

Աջափնյակ և Դավիթաշեն վարչական շրջանների ընդհանուր իրավասության դատարանում տեղի է ունեցել «Սյունիքի նախկին մարզպետ Սուրիկ Խաչատրյանն ընդդեմ Գորիսի նախկին քաղաքապետ Սամվել Հարությունյանի» գործով դատական նիստը:

Սուրիկ Խաչատրյանն այսօր ներկայացել է դատարան` ապացույցներ ներկայացնելու` որ հայցն ինքն է ներկայացել, եւ որ Մարտին Զիլֆուղարյանն իսկապես իր ներկայացուցիչն է: Մարտին Զիլֆուղարյանը միջնորդել է հայցադիմումում նշված հայցվորի անունը Սուրեն Խաչատրյանի փոխարեն համարել Սուրիկ Խաչատրյան: Անճշտությունների պարզաբանումից հետո Ս.Խաչատրյանը հապճեպ հեռացավ դատարանից:

Նախկին մարզպետն անգամ չցանկացավ պատասխանել լրագրողների  հարցերին:

Հիշեցնենք, որ Սուրիկ Խաչատրյանը հայցով դիմել է դատարան` համարելով, որ «Առավոտ»-ում հրապարակված` Սամվել Հարությունյանի որոշ հայտարարություններ ոտնահարում են իր պատիվն ու արժանապատվությունը:

Լուսանկարը` aravot.am-ի: