Զորի Բալայանի նամակը Պուտինն ընդունեց ի գիտություն. Մկրտիչ Մինասյան

ԱԺ ՀՀԿ-ական պատգամավոր Մկրտիչ Մինասյանի կարծիքով`  Զորի Բալայանը Պուտինին ուղղված նամակում փաստում է ողջ պատմական իրողությունը. ի դեմս ՌԴ նախագահի` ներկայացնում  այժմ գոյություն ունեցող իրավիճակը:

«Ինքը լավ հրապարակախոս է, նաև`  խորը պատմություն իմացող, հայրենիքի պահանջը հասկացող մարդ , ճիշտ չէ նրան մեղադրել նրա համար, թե իբր ազգային ինքնորոշման դեմ է գործում»,-ասաց նա և խորհուրդ տվեց ևս մեկ անգամ ընթերցել նամակը, որպեսզի ճիշտ հասկանանք դրա բովանդակությունը:

Yerkir.am-ի դիտարկմանը, թե Բալայանի նամակին որևէ արձագանք չի՞ նախատեսվում, Մինասյանը պատասխանեց.

«Դժվարանում եմ ասել, թե Պուտինի ո՞ր գլխավոր խորհրդականն է ընթերցել և զեկուցել նրան, սակայն նամակի պատասխանով կարող ենք ասել, որ այն Պուտինի կողմից ընդունվել է ի գիտություն. ում որ պետք է` հասցեատերերը ստացել են»:

Ըստ նրա` կարող էր նաև արձագանք չլինել, սակայն կարևորն այն է, որ այդ պատմական իրողությունն ընդունվեց ի գիտություն :