Ես չեմ ընդունում համաներումը. Տիգրան Առաքելյան

ՀԱԿ ակտիվիստների գործով այսօրվա դատական նիստում Տիգրան Առաքելյանի ներկայացուցիչ Մուշեղ Շուշանյանը միջնորդություն արեց Տիգրան Առաքելյանի խափանման միջոց կալանքը փոխարինելու մասին: Սակայն դատավոր Եվա Դարբինյանը հայտարարեց, որ դատական քննության փուլն ավարտվել է, եւ պաշտպանը չի կարող նման միջնորդությամբ հանդես գալ, միջնորդությունը կքննարկվի հաջորդ` դատական վիճաբանությունների փուլում:

Դատավորի պատասխանից հետո ամբաստանյալ Տիգրան Առաքելյանը, չկարողանալով զսպել բարկությունը, ասաց. «Ես պաշտոնապես հայտարարում եմ, որ չեմ ընդունում ձեր կուսակցապետերի կողմից ընդունված համաներումը»:

Ոստիկանները փորձեցին նրան դուրս հանել նիստերի դահլիճից, իսկ ներկա գտնվողները վանկարկում էին` «Ամոթ Սաշիկի դատարանին»:

Տեսանյութ