Հայաստանի զբոսաշրջությունը` Փարիզում կայանալիք ցուցահանդեսում

Սույն թվականի սեպտեմբերի 24-27-ը Հայաստանի ազգային մրցունակության հիմնադրամը հայկական զբոսաշրջային ընկերությունների հետ համատեղ կներկայացնի Հայաստանը Փարիզում կայանալիք TopResa' 2013 զբոսաշրջային միջազգային տարեկան ցուցահանդեսին. հայտնում են Հայաստանի ազգային մրցունակության հիմնադրամից:

Այս տարի ցուցահանդեսին նախատեսվում է 164 երկրների շուրջ 1200 զբոսաշրջային կազմակերպությունների և զբոսաշրջության ոլորտի  ավելի քան 28 հազար ներկայացուցիչների մասնակցություն:

Ցուցահանդեսի ընթացքում միջազգային հանրությանը ներկայացվելու են Հայաստանի պատմամշակութային և քրիստոնեական հարուստ ժառանգությունը ցուցադրող  գովազդային նյութեր և քարտեզներ` ֆրանսերենով:

Խոշորագույն այս ցուցահանդեսին ՀԱՄՀ մասնակցությունը նպատակ ունի խթանելու Հայաստանի զբոսաշրջությունը և բարձրացնելու երկրի ճանաչելիության մակարդակը եվրոպական շուկայում՝ նպաստելով ներգնա զբոսաշրջային հոսքերի աճին: