Գյուլը ցանկանում է, բայց ո՞վ կթողնի

Թյուրքալեզու երկրների գագաթաժողովի օրակարգի կարևորագույն հարցերից է Լեռնային Ղարաբաղի խնդիրը: APA գործակալության փոխանցմամբ՝ Գաբալայի գագաթաժողովի եզրափակիչ հռչակագրում ներառված է նաև ԼՂ հակամարտության վերաբերյալ հարցը, որի փաստաթղթի 13-րդ կետում, ասված է, որ «Լեռնային Ղարաբաղի հակամարտությունը տարածաշրջանային կայունությանն ու համագործակցությանը խոչընդոտող ամենամեծ խնդիրն է»: 

Օգոստոսի 16-ին Թուրքիայի նախագահ Աբդուլլահ Գյուլը Ադրբեջանի Գաբալա քաղաքում՝ Թյուրքալեզու պետությունների համագործակցության խորհրդի երրորդ գագաթաժողովի ժամանակ հայտարարել է, որ Լեռնային Ղարաբաղի խնդիրը այս գագաթաժողովի կարևորագույն հարցերից մեկն է և ավելացրել է.

 « Մենք կանենք հնարավոր ամեն բան այդ խնդիրը խաղաղ ճանապարհով լուծելու համար՝ Ադրբեջանի տարածքային ամբողջականության պահպանմամբ: Ցանկանում եմ, որ Թյուրքախոս պետությունների համագործակցության խորհրդի հաջորդ գագաթաժողովը  կայանա Լեռնային Ղարաբաղում» :