Գյուլը ցանկանում է Աջեմօղլուին ընդգրկել նոր կուսակցության շարքերում

Թուրքիայի 11-րդ նախագահ Աբդուլլահ Գյուլը, որը երկրի  ԱԳՆ նախկին ղեկավար Ալի Բաբաջանի գլխավորությամբ նոր կուսակցություն է ստեղծում, ցանկանում է այդ նոր կուսակցության շարքերում ընդգրկել նաև հայազգի աշխարհահռչակ տնտեսագետ Դարոն Աջեմօղլուին:

Ըստ Sozcu-ի լրագրող Վելի Թոփրաքի` նրանց միջև առկա են լավ հարաբերություններ, իսկ 2013 թ. Գյուլը Աջեմօղլուին պարգևատրել է Մշակույթի և արվեստի մեդալով: Բացի այդ` նոր կուսակցության տնտեսական քաղաքականությունը վարելու համար հրավիրվող Աջեմօղլուն «աշխարհում 10 ամենաշատ մեջբերվող տնտեսագետներից է»:

Աջեմօղլուն ներկայումս բնակվում է ԱՄՆ-ում և դասավանդում է Մասաչուսեթսի համալսարանի տեխնոլոգիական համալսարանում: