Բեռլուսկոնին քննադատել է դատարանի որոշումը

Իտալիայի նախկին վարչապետ Սիլվիո Բեռլուսկոնին մեկնաբանել է երկրի Գերագույն դատարանի`«Մեդիասեթ» հոլդինգի գործով վճիռը. հայտնում է Лента.ру-ն` վկայակոչելով BBC News-ը:

Բեռլուսկոնին ընդգծել է, որ համաձայն չէ դատարանի որոշման հետ: Նախկին վարչապետն վրդովվել է այն բանից, որ իր կարիերայի վերջում անհիմն վճռի է արժանացել, որը սահմանափակում է իր ազատությունը և քաղաքական իրավունքները:

Բեռլուսկոնիի խոսքով` ինքը մեղավոր չէ, և ոչ մի կապ չունի այդ գործի հետ: Դրանից ելնելով` Բեռլուսկոնին քննադատել է Իտալիայի դատական համակարգը: «Մի՞թե դա այն Իտալիան է, որը մենք ցանկանում ենք տեսնել: Իհարկե, ոչ»,- ասել է նա: