Օսիպյանը թույլ չի տալու քաղաքապետարանի առջև վրան տեղադրել

«Վճարում ենք 100 դրամ»  նախաձեռնության  ակտիվիստները քիչ հետո Երևանի քաղաքապետարանի առջև փորձելու են նստացույց անող քաղաքացիների համար վրան տեղադրել:  Այս մասին քաղաքապետարանի մոտից հայտնում է yerkir.am-ի լրագրողը:

Մեր լրագրողին, սակայն, Երևանի փոխոստիկանապետ Վալերի Օսիպյանն ասել է, որ իրենք թույլ չեն տալու վրան տեղադրել, քանի որ համապատասխան թույլտվություն չկա:

Հարցին, թե  ի՞նչ գործողություների է պատրաստվում դիմել ոստիկանությունը, Օսիպյանը նշել է, որ նախ` փորձելու են բացատրել, որ վրան չեն կարող տեղադրել: Նա նաև հավելել է, որ այդ կապակցությամբ արդեն խոսել է ակտիվիստներից մեկի` Վահագնի հետ: Վերջինս նրան պատասխանել է, որ բոլորի փոխարեն պատասխանել չի կարող, բայց և վստահեցրել է, որ ամեն ինչ փորձելու են անել օրենքի շրջանակներում:

Դիտարկմանը, որ ոստիկանների կողմից ակտիվիստների` վրան տեղադրելուն խոչընդոտելու դեպքում ենթադրվում են քաշքշոցներ, Օսիպյանը պատասխանել է, որ իրենք նման բանի կողմնակից չեն: