Լոնդոնում Էկվադորի դեսպանատանը գաղտնալսող սարք է հայտնաբերվել

Լոնդոնում Էկվադորի դեսպանի աշխատասենյակում գաղտնալսող սարք է հայտնաբերվել: Այդ մասին այսօր տեղեկացրել է էկվադորյան «Տելեգրաֆո» թերթը. հյատնում է ИТАР-ТАСС-ը:

Ըստ Էկվադորի արտաքին գործերի, առեւտրի եւ ինտեգրման նախարար Ռիկարդո Պատինիո Արոկայի, սարքը հայտնաբերվել է մի քանի օր առաջ, սակայն այդ փաստը չի հրապարակվել, որպեսզի չխանգարեն հետաքննությանը: Դիվանագետը հրաժարվել է որեւէ ենթադրություն անել, թե ով է ստացել գաղտնալսված տեղեկությունները, սակայն վստահեցրել է, որ նրանց անպայման կգտնեն, եւ Էկվադորը պատասխան կպահանջի այդ երկրից:

Սարքը հայտնաբերվել է հունիսի 16-ին, երբ նախարարը գտնվել է Մեծ Բրիտանիայում եւ հանդիպել Ջուլիան Ասանժի հետ: