Ցեղասպանության ճանաչումը մարդկության պարտքն է. Միրոսլավ Պոպովիչ

Ուկրաինացի հայտնի գիտնական, ակադեմիկոս Միրոսլավ Պոպովիչը իր աջակցությունն է հայտնել Ուկրաինայի Գերագույն ռադայում Հայոց ցեղասպանության ճանաչման նախաձեռնությանը:

«Ես վաղուց էի սպասում ուկրաինական քաղաքական ուժերի այդ քայլին, որը կարտացոլեր մեր հստակ դիրքորոշումը Հայկական հարցի վերաբերյալ»,- Analitika.at.ua-ին ասել է Պոպովիչը: 

Ըստ նրա` Հայոց ցեղասպանության ճանաչումը ոչ միայն պատմական արդարության վերականգնում է, զանգվածային բռնությունների ենթարկված ժողովրդին ցավակցելը, այլ նաեւ  մարդկության պարտքը իր անցյալի նկատմամբ:

Հիշեցնենք, որ հունիսի 6-ին Գերագույն ռադայում գրանցվել է Հայոց ցեղասպանության ճանաչման վերաբերյալ օրինագիծ, որի հեղինակները Գերագույն ռադայի պատգամավորներ Վիլեն Շատվորյանը եւ Արսեն Ավակովն են: