Թուրքիան դատապարտել է Մեքսիկայի խորհրդարանի կողմից Հայոց ցեղասպանության ճանաչումը

Մեքսիկայի Սենատը 2023 թ. փետրվարի 8-ին ընդունել է փաստաթուղթ, որով ճանաչում է Հայոց ցեղասպանությունը՝ վկայակոչելով մարդու համընդհանուր իրավունքների պաշտպանության անհրաժեշտությունը։ 

Մեքսիկայի Սենատը հորդորել է Արտաքին հարաբերությունների քարտուղարությանը աջակցել Մեքսիկայի կողմից Հայոց ցեղասպանության պաշտոնական ճանաչմանը։

Թուրքիան, չնայած երկրում տեղի ունեցած հզոր երկրաշարժին և տասնյակ հազարավոր զոհերին ու վիրավորներին, առիթը բաց չի թողել դատապարտելու Մեքսիկայի խորհրդարանի արդար որոշումը՝ այն անվանելով «պատմությունը վերաշարադրելու փորձ՝ քաղաքական շարժառիթներով»։

«Մենք քննադատում ենք այս որոշումը և հիշեցնում, որ օրենսդիր մարմիններն չունեն լիազորություն՝ պատմությունը մեկնաբանելու և դատելու համար։ Ցավում ենք, որ այս Մեքսիկայի Սենատի այս որոշումը համընկել է երկրաշարժի հետևանքով իրականացող որոնողափրկարարական աշխատանքների հետ, որին մասնակցում է նաև Մեքսիկայից ժամանակ անձնակազմը… Կոչ ենք անում Սենատին ուղղել սխալը…», - նշել է Թուրքիայի ԱԳՆ-ն։