Ցմահ դատապարտյալն ինքնասպանություն է գործել

Հունիսի 19-ին՝ ժամը 20:40-ին, ՀՀ ԱՆ «Նուբարաշեն» քրեակատարողական հիմնարկի ցմահ դատապարտյալ Մանվել Արմենի Հազրոյանը պատժախցում, ծածկոցից բարակ կտրած շերտակտորով կախվելով, ինքնասպանություն է գործել. հաղորդում է արդարադատության նախարարության պաշտոնական կայքը:

 ՀՀ ԱՆ քրեակատարողական վարչության հանրային կապերի բաժնի տեղեկացմամբ` Մանվել Հազրոյանը պատժախուց է տեղափոխվել այս տարվա հունիսի 11-ին աշխատակիցների օրինական պահանջները չկատարելու համար և նրա նկատմամբ կիրառվել էր կարգապահական տասնօրյա տույժ:

1991թ. ծնված Մանվել Արմենի Հազրոյանին ցմահ ազատազրկման է դատապարտել Սյունիքի մարզի ընդհանուր իրավասության դատարանը 2011թ. նոյեմբերի 11-ին ՀՀ քրեական օրենսգրքի 104 հոդվածի 2-րդ մասի 1 կետով, 34-104 հոդվածի 2-րդ մասի 1-ին կետով և 365 հոդվածի 1 մասով: Կատարվում է հետաքննություն: