19-ամյա դատապարտյալն ինքնասպան է եղել

ՀՀ ԱՆ «Էրեբունի» քրեակատարողական հիմնարկի 19-ամյա դատապարտյալը հոկտեմբերի 4-ին` առավոտյան ժամը 3:30-ի սահմաններում, կախվելով ինքնասպան է եղել:

1992 թվականին ծնված Ռուդիկ Մանուկյանը թողել էր գրություն, որով խնդրել է ոչ մի դատապարտյալի չմեղադրել, քանի որ իր արարքն անձնական դրդապատճառներ ունի:

Դեպքի առթիվ ոստիկանության Էրեբունու քննչական բաժնում հարուցվել է քրեական գործ` ՀՀ քրեական օրենսգրքի 110 հոդվածի հատկանիշներով (ինքնասպանության հասցնելը):

Ռուդիկ Մանուկյանը 2010-ի դեկտեմբերի 28-ին Երևանի Կենտրոն-Նորք-Մարաշ վարչական շրջանի ընդհանուր իրավասության դատարանի կողմից ազատազրկման էր դատապարտվել 4 տարի 3 ամիս ժամկետով՝ գողության համար. տեղեկանում ենք արդարադատության նախարարության պաշտոնական կայքէջից: