Սիրիացի ապստամբները արեւմտյան երկրներից ժամանակակից զենք են խնդրելու

Մի շարք արեւմտյան երկրների ներկայացուցիչներ վաղը` հունիսի 15-ին, Ստամբուլում կհանդիպեն, այսպես կոչված, Սիրիական ազատ բանակի հրամանատար Սալիմ Իդրիսի հետ: Հանդիպումը կանցկացվի «Մեծ ութնյակի»` Հյուսիսային Իռլանդիայում հունիսի 17-18-ը անցկացվելիք գագաթաժողվի նախաշեմին, որի քննարկման հիմնական թեմաներից է լինելու սիրիական ճգնաժամը. գրում է Hurriyet-ը:

Այսպես կոչված` Սիրիական ազատ բանակի ներկայացուցիչ Լուեյ ալ Միկդադը հաստատել է թերթի տեղեկությունը եւ նշել, որ իրենք արեւմտյան երկրներից զենք են խնդրելու, այդ թվում` զենիթահրթիռային համալիրներ, պահանջելու են Սիրիայում ստեղծել ոչ թռիչքային գոտի, նաեւ Ռուսաստանին համոզել այնպես անել, որ իրանցիներն ու «Հըզբոլլահ»-ի գրոհայինները լքեն Սիրիան: