80-ամյա ճապոնացին գրավել է Էվերեստը

80-ամյա Յուիտիրո Միուրան լեռնագնացների խմբի կազմում այսօր հասել է Էվերեստի գագաթին` դառնալով աշխարհի ամենաբարձր լեռը գրաված ամենատարեց մարդը. տեղեկացնում է ամերիկյան ABC հեռուստաալիքը: Ի դեպ, ճապոնացին նախկինում սրտի 4 վիրահատության է ենթարկվել:

Այդպիսով` Միուրին վերահաստատել է իր ռեկորդը, որը սահմանել էր 2003-ին` դարձյալ որպես ամենատարեց մարդ բարձրանալով Էվերեստը: Սակայն 2007-ին նրան ռեկորդակրի տիտղոսից զրկել էր մեկ այլ ճապոնացի, որը 71 տարեկան էր:

Մինչ Միուրիի այս վերջին ռեկորդը առաջատարը նեպալցի Մին Բադահուր Շերխանն էր, ով ռեկորդ էր սահմանել 76 տարեկանում: Արդեն 81 տարեկան Շերխանը պատրաստվում է հաջորդ շաբաթ դարձյալ գրավել առաջատարի դիրքերը: