Սուդանում հանքի փլուզման հետեւանքով մոտ 60 մարդ է զոհվել

Սուդանում` Դարֆուրի նահանգի ոսկու հանքերից մեկում փոլւզում է տեղի ունեցել, ինչի հետեւանքով մոտ 60 հանքափոր է զոհվել. տեղեկացնում է РИА Новости-ն:

Դեպքը տեղի է ունեցել երկուշաբթի օրը, եւ այդ օրվանից փրկարարական գործողություններ են իրականացվել, սակայն այսօր միայն հայտնել են 60 զոհի մասին: «Ես չեմ կարող ասել, թե որքան մարդ է զոհվել, քանի որ ոչ ոք չգիտի, թե փլուզման պահին որքան մարդ է եղել հանքահորում»,- ասել է տեղի իշխանության ներկայացուցիչը: Նա նաեւ տեղյակ չէ` ողջ մնացածներ կա՞ն, թե՞ ոչ: 

Ըստ նրա` փրկարարները ձեռքի գործիքներով են աշխատում, քանի որ տեխնիկայի կիրառումը կարող է նոր փլուզումների պատճառ դառնալ: