Կապրիլեսը կբողոքարկի ընտրությունների արդյունքները

Վենեսուելայի նախագահական ընտրություններում հաղթող ճանաչված Նիկոլաս Մադուրոյի հիմնական մրցակից Էնրիկե Կապրիլեսը մտադիր է բողոքարկել ընտրությունների արդյունքները. հայտնում է ИТАР-ТАСС-ը:

Ընդդիմության ներկայացուցիչը հանդես է եկել տեղական հեռուստաալիքներից մեկով և ասել, որ վստահ է, որ իշխանությունները գողացել են իր հաղթանակը, և անհրաժեշտ է նոր ընտրություններ անցկացնել:

Հիշեցնենք, որ ընտրությունների վերջնական արդյունքների համաձայն` Մադուրոյի օգտին քվեարկել է ընտրողների 50,8%-ը, իսկ ընդդիմության ներկայացուցիչ Էնրիկե Կապրիլեսի` 48,9 %-ը: Կապրիլեսը հրաժարվել էր ընդունել այդ արդյունքները` ասելով, որ ընտրությունների արդյունքները կեղծված են, իսկ «Վենեսուելայի այժմյան իշխանությունն ավելի քիչ լեգիտիմ է, քան Չավեսինը»: