Մոուրինիոն հավատում է իր թիմի հաղթանակին

Մադրիդի «Ռեալ»-ի գլխավոր մարզիչ, պորտուգալացի Ժոզե Մուորինիոն հավատում է, որ իր թիմը Չեմպիոնների լիգայի կիսաեզրափակիչ պատասխան խաղում կկարողանա առավելության հասել Դորտմունդի «Բորուսիա»-ի նկատմամբ:

«Այսօր հակառակորդը ավելի լավն էր: Ամբողջ հանդիպման ընթացքում «Բորուսիա»-ն կազմակերպված էր խաղում, նրանք ուժեղ էին և' ֆիզիկապես և' հոգեպես: Մենք պարզ իրադրությունում գնդակ էինք կորցնում: Երբ պարտվում ես արժանիորեն, շատ դժվար է ընդունել դա: Իհարկե, լավ էինք պատրաստվել, բայց իմ տղաներից շատերը չկարողացան լավ խաղ ցուցադրել:  Հավատում եմ, որ կարող ենք փոխել դեպքերի ընթացքը: Հեշտ չի լինի, բայց եթե սեփական հարկի տան ցուցադրենք ֆանտաստիկ և բարձրակարգ ֆուտբոլ, ապա կկարողանանք հաղթել»,- Մոուրինիոյի խոսքերն է մեջբերում ՈւԵՖԱ-ի կայքը:

Պատասխան հանդիպումը կկայանա ապրիլի 30-ին, Մադրիդում: