Նադալին ֆրանսիական ոստիկանության տարբերանշան են նվիրել

«Ես ֆրանսիական ոստիկանության տարբերանշան եմ նվեր ստացել։ Շնորհակալություն»,- գրել է աշխարհի հինգերորդ ուժեղագույն թենիսիստ` իպանացի Ռաֆայել Նադալը ֆեյսբուքյան իր էջում։

2012-ին` Ֆրանսիայի բաց առաջնության ժամանակ, Նադալի հյուրանոցային համարից գողացել էին նրա՝ 300 000 եվրո արժողության ժամացույցը։ Տեղական ոստիկանությունը շատ արագ գտել էր մեղավորին` նույն հյուրանոցի աշխատակցին։ Ժամացույցը վերադարձրել էին տիրոջը:

Իսպանացի թենիսիստը գովել էր ֆրանսիական ոստիկանության արագ եւ օպերատիվ աշխատանքը. «Ֆրանսիական ոստիկանությունը հրաշալի կատարեց իր աշխատանքը։ Հյուրանոցի մասին վատ բան ասել չեմ կարող։ Արդեն ութ տարի` ամեն առաջնության ժամանակ, այստեղ եմ մնացել, և աշխատակիցները ինձ լավ են վերաբերել։ Մյուս տարի նույնպես կմնամ այստեղ»։