Սահակաշվիլին չի համագործակցի 2008-ի պատերազմի հետաքննության հետ

Վրաստանի նախագահ Միխեիլ Սահակաշվիլին հայտարարել է, որ չի համագործակցի 2008 թվականի օգոստոսի պատերազմի հանգամանքները հետաքննողների հետ:

«Ես` որպես Վրաստանի նախագահ, բացարձակապես հավանություն չեմ տալիս վարչաեպտի այն հայտարարությանը, թե Վրաստանն է սկսել ռազմական գործողությունները: Ես` որպես Վրաստանի քաղաքացի, ոչ մի վայրկյան չեմ համագործակցի այդ ապապետական հետաքննության հետ: Այդ հետաքննության նպատակը պետականությունը խարխլելն է եւ ուղղված է տարածքային ամբողջականության դեմ»,- ըստ Вестник Кавказа կայքի` հայտարարել է նա վրացական հեռուսատալիքների եթերում:

Սահակաշվիլիի խոսքերով` 2008-ի օգոստոսին Ռուսաստանը «բոլոր միջազգային մակարդակներով ճանաչվել է որպես ագրեսոր, եւ առաջին անգամ եւս մի պաշտոնական անձ, ՌԴ-ից եւ Վենեսուելայի մահացած նախագահ Հուգո Չավեսից բացի, պնդում է հակառակը»: «Ցավոք, դա Վրաստանի վարչապետն է»,- հայտարարել է նա:

«Իր հայտարարություններով, թե Վրաստանը ոչ ադեկվատ է իրեն պահել օգոստոսյան պատերազմի ժամանակ, նա հաղթաթուղթ է տալիս Ռուսաստանին, ինչը չի կարելի թույլատրել»,- ընդգծել է Սահակաշվիլին: