Ֆրանսիան լայնամասշտաբ գործողություն է սկսել Մալիում

Մալիի իսլամականների դեմ պայքարող ֆրանսիական զորամիավորումները խոշոր գործողություն են սկսել ապստամբների դեմ երկրի հյուսիսում. տեղեկացնում է Интерфакс-ը: «Գուստավ» գործողությանը մասնակցում են մոտ 1000 զինծառայող, մի քանի տասնյակ զրահամեքենաներ, ուղղաթիռներ, անօդաչու սարքեր:

Ապստամբները, որոնք մոտ 10 ամիս իրենց ձեռքում էին պահում հյուսիսային Գոա քաղաքը, մեծ մասամբ դուրս մղվեցին այնտեղից եւ հարակից շրջաններից հունվարի 11-ին ֆրանսիական եւ մալիական զինված ուժերի համատեղ ջանքերով: Դրանից հետո Գոան բազմիցս հարձակման է ենթարկվել իսլամականների կողմից:

Ներկայումս Մալիում մոտ 4 հազար ֆրանսիացի զինծառայող կա: Երկրում նաեւ գործում են աֆրիկյան համատեղ ուժերը: